May2015: TRANSLATION Operation Failure

'Operation Failure'
اعتماد کا فقدان اُور ناکامیاں

پاکستان فوج کے سربراہ جنرل راحیل شریف کا کہنا ہے کہ ’’وہ سیاست سے عسکریت پسندی ختم کرنے کے لئے جس جنگی پیمانے پر مہمات کا آغاز کر بیٹھے ہیں اُنہیں انجام تک پہنچائیں گے۔‘‘ وزیراعظم نواز شریف‘ شریک چیئرمین آصف علی زرداری اور قائد تحریک الطاف حسین کا نکتۂ نظر سے پاک فوج ایک ایسی جنگ لڑ رہی ہے اُس کا مقصد فوج کے سیاست میں عمل دخل اُور اثرورسوخ بڑھانا ہے۔

پاکستان کی سیاسی و عسکری قیادت کے درمیان اِس ایک مقام پر ہم آہنگی نہیں پائی جاتی۔ اگر مسلح گروہوں کے خلاف فوجی مہم کا کوئی ضمنی مقصد تھا تو اس کے لئے وزیراعظم نواز شریف ضرب عضب یا قائد تحریک الطاف حسین کراچی آپریشن یا شریک چیئرمین آصف علی زرداری جو کہ ملک کی سویلین قیادت کا حصہ ہیں کراچی و ملک کے دیگر حصوں میں فوج کے بڑھتے ہوئے اثرورسوخ کے لئے جاری مبینہ لڑائی کے مخالف ہوتے۔

وزیراعظم نواز شریف‘ شریک چیئرمین آصف علی زرداری اور قائدتحریک الطاف حسین خود کو پاکستان کے عوام کے اعتماد کا مظہر سمجھتے ہیں۔ جنرل راحیل شریف پاک فوج کی سربراہ ہیں اور وہ سمجھتے ہیں کہ اُنہیں پاکستان کو ہر قسم کے داخلی و خارجی خطروں کا مقابلہ کرنے ہے اور انہیں نظریاتی و زمینی سرحدوں کی حفاظت بھی کرنا ہے۔

پاک فوج سمجھتی ہے کہ وہ سیاست کی آڑ میں ہونے والی عسکریت ختم کرے گی اور سیاست اور عسکریت پسندی کو الگ الگ کرے گی جبکہ سیاسی قائدین سمجھتے ہیں عسکری قیادت جو مہمات جاری رکھے ہوئے ہے اس کا مقصد اُن کا ذاتی مفاد ہے اور وہ یہ باور بھی رکھتے ہیں کہ فوج ایک مرتبہ پھر سیاست میں کلیدی کردار ادا کرنے کے لئے تیاریاں کر رہی ہے۔

ہم ایک ایسے معاشرے کا حصہ ہیں جہاں اعتماد کا فقدان پایا جاتا ہے۔ سیاست دان فوج کے جرنیلوں پر اعتماد نہیں اور جواب میں وہ بھی ایسا ہی گمان رکھتے ہیں۔ ہمارے معاشرے میں اعتماد کے فقدان کی تین بنیادی وجوہات ہیں۔ بدعنوانی‘ احتساب کا نہ ہونا اور سیاست دانوں کی وجہ سے جھوٹے وعدے کرنے کی روایت۔ وزیراعظم نواز شریف اپنے قریبی حلقے کے عزیزوں اور چند گنے چنے افسرشاہی کے اہلکاروں کے علاؤہ دیگر افراد پر بھروسہ نہیں کرتے۔ وزیراعظم کا مختلف شعبوں کے ماہرین اور پیشہ ور افراد کی رائے پر بھروسہ نہیں ہوتا جبکہ جن افراد کی رائے وہ توجہ سے سنتے ہیں اُن میں ارتقائی سوچ‘ حالات کی اصلاح کرنے کی اہلیت اور کسی شعبے کے تمام پہلوؤں کو سمجھنے کے لئے درکار مہارت جیسے خصوصیات نہیں ہوتیں۔

اعتماد کا براہ راست تعلق اقتصادی صورتحال سے ہوتا ہے۔ جن معاشروں میں اعتماد کی سطح بلند ہوتی ہے وہاں کی اقتصادی ترقی بھی زیادہ ہوتی ہے اور سرمایہ کاری بھی کی جاتی ہے۔ جہاں اعتماد کا فقدان پایا جائے وہاں اقتصادی زبوں حالی دکھائی دے گی۔ اعتماد اقتصادی ترقی کا محرک ہوتا ہے جس کا انحصار قانون و انصاف اور عوام کے اعتماد پر بھی ہوتا ہے۔ یہی اعتماد ہوتا ہے جس کے کھو جانے کا خوف عدالت کی سزا یا قانون کی گرفت میں آنے سے زیادہ محسوس کرنے والوں کی کوشش ہوتی ہے کہ وہ جو کچھ بھی کریں لیکن اس سے کسی کے اعتماد کو ٹھیس نہیں پہنچنی چاہئے۔ اعتماد اور تعلیم و تحقیق کے شعبے میں کامیابیوں کا بھی چولی دامن کا ساتھ ہوتا ہے۔
وزیراعظم نواز شریف‘ شریک چیئرمین آصف علی زرداری اور قائد تحریک الطاف حسین سمجھتے ہیں کہ وہ ’’آپریشن جمہوریت‘‘ جاری رکھے ہوئے ہیں جو کہ جمہوریت کی بقاء کی ضمانت ہے اُور اُن کا دم کرم ہی سے جمہوریت موجود یا توانا ہے اور ملک کے جمہوریت پسندوں کا انہیں مکمل اعتماد حاصل ہے۔ جنرل راحیل شریف نے ’سیاست سے عسکریت کا خاتمہ کرنے کے لئے آپریشن شروع کر رکھا ہے۔‘ اور وہ بھی یہی سمجھتے ہیں کہ اُنہیں پاکستان کی اکثریت کا اعتماد حاصل ہے جو سیاسی جماعتوں کے جرائم و عسکریت پر مبنی سوچ کا شکار بنے ہوئی ہے۔

رواں برس جنوری میں پاک فوج کے فیصلہ سازوں نے سندھ کی سطح پر سیاست اور عسکریت پسندی کے درمیان تعلق ختم کرنے کے لئے ایک خصوصی بالادست صوبائی (ایپکس) کمیٹی تشکیل دی۔ اپریل میں پاک فوج کے سربراہ نے کراچی میں ’امن و امان کی صورتحال (لاء اینڈ آرڈر)‘ سے متعلق ایک اجلاس کی صدارت کی جس میں کسی بھی سویلین کو نہیں بلایا گیا۔ اس کا مطلب یہ تھا کہ چار ماہ قائم رہنے والی خصوصی بالادست کمیٹی کی کارکردگی پر پاک فوج کے ادارے کو اطمینان نہیں تھا اور چار ماہ کی فوجی و سویلین اکٹھے نگرانی سے شروع ہونے والی کاروائی کی بساط چار ماہ بعد ہی لپیٹ دی گئی۔ جنرل راحیل شریف کی قیادت میں ’سیاست سے عسکریت پسندی کو الگ کرنے کے لئے کاروائی بھی کامیاب نہیں ہوسکے گی‘ جب تک اِس معاملے کے سبھی فریقین کا ایک دوسرے پر اعتماد نہیں ہوگا۔ سندھ کی سطح پر سیاسی جماعتوں اور اُن کے عسکری دھڑوں کو علیحدہ کرنے کے لئے جاری کوششوں میں سیاسی قائدین اور پاک فوج کے فیصلہ سازوں (جرنیلوں) کو ایک دوسرے پر اعتماد کرنا ہوگا اور صرف یہی ایک صورت ہے جو کسی بھی مہم کی کامیابی کی ضمانت ہوتی ہے۔

 (بشکریہ: دی نیوز۔ تحریر: ڈاکٹر فرخ سلیم۔ ترجمہ: شبیر حسین اِمام)