Apna Peshawar - Couplet (Qata)

۔۔۔ اپنا پشاور ۔۔۔

سوئے منزل جو رواں ہے، وہ سفر اپنا ہے

شہر گل پوش کا ہر عہد و دہر اپنا ہے

نظم و ضبط ضروری ہے، ضروری ہے بہت

عالم کہتا ہے پشاور جسے، گھر اپنا ہے

بارہ مارچ دو ہزار بیس عیسوی

سولہ رجب المرجب چودہ سو اکتالیس ہجری

Oct 2018: Couplet on Peshawar

POETRY: Remembering Peshawar!

دِل پشاور!

نگر وفا کا‘ گلاب‘ خوشبو‘ چمن پشاور!

نصاب عشق و سرور‘ مستی‘ وطن پشاور

سکوں کی منزل‘ قرارگاہے یقین و اِیماں

دل و نظر میں ہے نور صورت‘ عدن پشاور

جہاں مقدر نے لکھ دیا ہے‘ ہر اِک سفر کا تمام ہونا

اَزل سے تابہ اَبد پڑاؤ‘ جوار و منزل‘ صحن پشاور!

ہر اِک حوالے سے محترم ہے‘ جو محتشم ہے

گماں‘ تخیل‘ زباں‘ بیاں ہے‘ دہن پشاور

ہیں جن کی مرہون رونقیں سب‘ رہیں سلامت یہ اِستعارے

شمار چہرے‘ خمار آنکھیں‘ سرور‘ لہریں‘ سمن پشاور

۔۔۔۔۔۔۔۔۔

- بیادِ پشاور۔۔۔اَز شبیرحسین اِمام

- سولہ رمضان المبارک1438ہجری

- بمطابق 12 جون 2017ء